Towers Watson Media

ჩვენი ხელმძღვანელობა

John Haley

ჯონ ჰეილი

ჯონ ჰეილი არის Willis Towers Watson-ის გენერალური დირექტორი.

იგი კომპანიას 1977 წელს შეუერთდა და კარიერის განმავლობაში ასრულებდა სხვადასხვა ფუნქციას, მათ შორის, იყო კომპანიის რამდენიმე უმსხვილესი კლიენტის კონსულტანტი-აქტუარი, ვაშინგტონის საკონსულტაციო ოფისის მენეჯერი და გლობალური საპენსიო პრაქტიკის ხელმძღვანელი.

ჯონი გენერალური დირექტორი 1998 წელს გახდა. მისი ხელმძღვანელობით, 2005, 2010 და 2016 წლებში კომპანია სამ სხვა ორგანიზაციასთან გაერთიანდა, რის შედეგადაც დღევანდელი Willis Towers Watson-ი ჩამოყალიბდა.

ჯონი ასევე არის აშშ-ჩინეთის ბიზნესსაბჭოს და MAXIMUS-ის დირექტორთა საბჭოს წევრი, იყო Hudson Global, Inc.-ის დირექტორი. ის გახლავთ აქტუართა საზოგადოებისა და კონსულტანტ-აქტუართა კონფერენციის კოლეგიური წევრი და მუშაობდა, როგორც აქტუართა ფონდის მინდობილი მესაკუთრე. ჯონი ფლობს რატგერსის კოლეჯის ბაკალავრის ხარისხს მათემატიკაში და მიღებული აქვს ორწლიანი სტიპენდია იელის უნივერსიტეტში მათემატიკის სამაგისტრო სკოლაში სწავლისთვის.

Mike Burwell

მაიკ ბურველი

მაიკ ბურველი არის Willis Towers Watson-ის ფინანსური დირექტორი

Willis Towers Watson-ში მოსვლამდე, მაიკი 31 წელი მუშაობდა Pricewaterhouse Cooper-ში. 11 წლის განმავლობაში, იგი ემსახურებოდა მრავალ კლიენტს აუდიტორული მიმართულებით. 1997 წელს პარტნიორად დააწინაურეს და ჩაერთო PwC-ის დეტროიტის ტრანზაქციების სერვისში. დეტროიტში წარმატებული მოღვაწეობის შემდეგ, მაიკს შესთავაზეს გაძღოლოდა PwC-ის ცენტრალურ რეგიონს და საბოლოოდ სათავეში ჩაუდგა აშშ-ს ტრანზაქციების სერვისის განყოფილებას. 2007 წელს იგი დაინიშნა ფინანსურ დირექტორად, ხოლო 2008 წელს ასევე  დანიშნეს მთავარ საოპერაციო დირექტორადაც PwC-ის აშშ-ს ოფისში. 2012 წელს მაიკი გახდა გლობალური და აშშ-ს ტრანსფორმაციის პროექტის ვიცე თავმჯდომარე. მან ბევრი რამ შეცვლა ორგანიზაციული ეფექტურობის ოპტიმიზაციის მხრივ კომპანიის შიდა ფუნქციების (მათ შორის ადამიანური რესურსების, ფინანსების, ტექნოლოგიის და გლობალური სტრატეგიის შემუშავების მიმართულებების) გადახედვით. მაიკი ასევე გახლდათ სხვადასხვა კლიენტთან ურთიერთობის უფროსი პარტნიორი კომპანიაში მუშაობის დროს.

მაიკს აქვს მიჩიგანის სახელმწიფო უნივერსიტეტის ბაკალავრის ხარისხი ბიზნესის ადმინისტრირებაში და არის სერთიფიცირებული საჯარო ბუღალტერი. 2010 წელს იგი დაასახელეს მიჩიგანის სახელწიფო უნივერსიტეტის წლის გამორჩეულ კურსდამთავრებულად.

Julie Gebauer

ჯული გებაუერი

ჯული გებაუერი Willis Towers Watson-ში ხელმძღვანელობს ადამიანური კაპიტალისა და ბენეფიტების განყოფილებას.

აქამდე, ჯული Willis Towers Watson-ის კადრებისა და ჯილდოების ბიზნესსეგმენტს ედგა სათავეში. კომპანიაში მუშაობის 29 წლის განმავლობაში, ის რამდენიმე წამყვან თანამდებობაზე მუშაობდა, მათ შორის, ხელმძღვანელობდა გლობალური სამუშაო ძალის ეფექტურობისა და თანამშრომელთა გამოკითხვის საქმეებს. ჯულის მიღებული აქვს ნებრასკას უნივერსიტეტის ბაკალავრის ხარისხი მათემატიკაში, სადაც მან რექტორის სტიპენდია დაიმსახურა. ის არის Phi Beta Kappa-ს წევრი და აქტუართა საზოგადოების კოლეგიური წევრი. მიღებულია ახალგაზრდა ქალთა ქრისტიანული ასოციაციის (YWCA) წარმატებულ ქალთა აკადემიაში. არის თანაავტორი წიგნისა „ხარვეზების აღმოფხვრა დასაქმებაში: როგორ ავლენენ დიდი კომპანიები თანამშრომელთა პოტენციალს საუკეთესო შედეგების მისაღწევად“.

Carl Hess

კარლ ჰესი

კარლ ჰესი ხელმძღვანელობს Willis Towers Watson-ის საინვესტიციო, რისკებისა და გადაზღვევის განყოფილებას.

აქამდე კარლი Willis Towers Watson-ის ჩრდილოეთ ამერიკის განყოფილების თანახელმძღვანელი იყო, მანამდე კი Towers Watson-ის მმართველი დირექტორი ჩრდილოეთ და სამხრეთ ამერიკაში. ამ თანამდებობამდე, ის გახლდათ Towers Watson-ის საინვესტიციო საქმიანობის მმართველი დირექტორი, 2010 წლის იანვრიდან, ასევე 20 წლის განმავლობაში მუშაობდა სხვადასხვა პოზიციაზე Watson Wyatt-ში,  ბოლოს კი იყო Watson Wyatt-ის საინვესტიციო საქმიანობის გლობალური პრაქტიკის დირექტორი.

კარლი არის აქტუართა საზოგადოებისა და კონსულტანტ-აქტუართა კონფერენციის კოლეგიური წევრი და შიდა რისკების ლიცენზირებული ანალიტიკოსი. მან წარჩინებით დაამთავრა იელის უნივერსიტეტი და მიიღო ბაკალავრის ხარისხი ლოგიკასა და ენებში.

Todd Jones

ტოდ ჯონსი

ტოდ ჯონსი Willis Towers Watson-ში კორპორაციული რისკებისა და საბროკერო საქმის განყოფილებას ხელმძღვანელობს.

მანამდე ტოდი Willis Towers Watson-ის თანახელმძღვანელი იყო ჩრდილოეთ ამერიკაში, უფრო ადრინდელ პერიოდში კი Willis North America-ის გენერალური დირექტორი და Willis Group-ის სამუშაო კომიტეტის წევრი. ის ასევე გახლდათ Willis Group Holdings-ის შვილობილი არაკომერციული კორპორაციის, The Willis Foundation-ის  პრეზიდენტი და საბჭოს წევრი, 2010-2013 წლებში ტოდი Willis North America-ის პრეზიდენტი გახლდათ, მანამდე კი - ეროვნული პარტნიორი აშშ-ის ჩრდილო-აღმოსავლეთის რეგიონში.

პირველად, ტოდი Willis-ს 2003 წელს შეუერთდა, ჩრდილოეთ ამერიკის Willis-ის ადმინისტრაციული რისკების პრაქტიკის ხელმძღვანელის რანგში და ზედამხედველობდა პროფესიული პასუხისმგებლობის შეთავაზებებს.

Willis-ში მოსვლამდე, ტოდს ეკავა სხვადასხვა წამყვანი თანამდებობა სადაზღვევო ინდუსტრიაში. მანამდე კი, ის იყო რეგიონული ბანკის (რომელიც Wells Fargo-ს ნაწილს წარმოადგენს) ფინანსური ანალიტიკოსი და კორპორატიული ბანკირი.

ტოდს დამთავრებული აქვს უეიკ-ფორესტის უნივერსიტეტი და მიღებული აქვს ნიუ-იორკის უნივერსიტეტის სტერნის ბიზნესის სკოლის ბიზნესის ადმინისტრირების მაგისტრის ხარისხი.

Gene Wickes

ჯინ უიკსი

ჯინ უიკსი ხელმძღვანელობს Willis Towers Watson-ის Exchange Solution-ის სეგმენტს.

Willis Towers Watson-ის ფორმირებისას, ჯინი იყო კომპანიის ბენეფიტების ჯგუფის მმართველი დირექტორი. ჯინს აქვს საპენსიო, აქტუარული, გეგმის ადმინისტრირებისა და ადამიანური რესურსების სხვა საკითხებში კონსულტირების 37-წლიანი გამოცდილება. აქამდე, ჯინი უფროსი კონსულტანტი და აქტუარი გახლდათ Watson Wyatt Worldwide-სა და Towers Perrin-ში.

ჯინი სწავლობდა ბრიგემ იანგის უნივერსიტეტში, სადაც მიიღო ბაკალავრის ხარისხი მათემატიკაში და მაგისტრის ხარისხები მათემატიკასა და ეკონომიკაში. ის არის აქტუართა საზოგადოების კოლეგიური წევრი და მშრომელთა საპენსიო უზრუნველყოფის შესახებ კანონის (ERISA) საფუძველზე რეგისტრირებული აქტუარი.

Nicolas Aubert

ნიკოლა ობერი

ნიკოლა ობერი Willis Towers Watson-ის დიდი ბრიტანეთის განყოფილების ხელმძღვანელია. აგრეთვე ის რჩება Willis Limited-ის გენერალურ დირექტორად, რომელიც გაერთიანებული სამეფოს მიერ რეგულირებულ Willis Group-ის მთავარ უწყებას წარმოადგენს.

მანამდე, ნიკოლა Willis Great Britain-ის გენერალური დირექტორი იყო. Willis-ში მოსვლამდე, ის გახლდათ  ამერიკის საერთაშორისო ჯგუფის (AIG) აღმასრულებელი დირექტორი ევროპაში, ახლო აღმოსავლეთსა და აფრიკაში, მანამდე კი- AIG-ის მმართველი დირექტორი გაერთიანებულ სამეფოში. ის AIG-ში 2002 წლის ივნისში, AIG France-ის ხელმძღვანელად მივიდა, რის შემდეგაც უფროსი მენეჯერის რამდენიმე სხვა, მათ შორის სამხრეთ ევროპის მმართველი დირექტორის პოზიციაზე მუშაობდა. AIG-მდე, ნიკოლას ეკავა სხვადასხვა ხელმძღვანელი თანამდებობა ACE-ში CIGNA-სა და GAN-ში, ხოლო კარიერა GENERALI-ში დაიწყო.

ნიკოლას აქვს პარიზის პანთეონი-სორბონის უნივერსიტეტისა და პარიზის სადაზღვევო ინსტიტუტის (Universite Paris-Dauphine) მაგისტრის სპეციალიზირებული ხარისხები დაზღვევის სამართალში (DESS Assurances) და საფრანგეთის დაზღვევის უმაღლესი სასწავლო ცენტრის (CHEA) ბიზნესის ადმინისტრირების მაგისტრის ხარისხი.

Adam Garrard

ადამ გარარდი

ადამ გაგარდი ხელმძღვანელობს Willis Towers Watson-ის საერთაშორისო კომერციულ საქმიანობას.

ადამმა Willis Group-ში მსოფლიოს სხვადასხვა ქვეყანაში მაღალ თანამდებობებზე 20 წელზე მეტი გაატარა. 2012-2015 წლებში, ის იყო სინგაპურში მოქმედი Willis Asia-ის რეგიონული გენერალური დირექტორი, რომელიც Willis-ის სტრატეგიას ხელმძღვანელობს რეგიონის სწრაფად მზარდ ბაზრებზე. მანამდე მას ეკავა რეგიონული გენერალური დირექტორის თანამდებობები კონტინენტურ ევროპასა და ავსტრალიაში. აზიაში მუშაობის განმავლობაში, მან 18 თვე გაატარა შანხაიში, Willis-ის ჩინეთის განყოფილების მუშაობის დარეგულირების მიზნით.

ადამს აქვს დე მონფორტის უნივერსიტეტის ბაკალავრის ხარისხი ბიზნესის ადმინისტრირებაში.

Joe Gunn

ჯოზეფ განი

ჯო განი ხელმძღვანელობს Willis Towers Watson-ის ჩრდილოეთ ამერიკის განყოფილებას.

აქამდე, ჯო დანიშნული იყო ახლად შეერთებული Willis Towers Watson-ის ჩრდილო-აღმოსავლეთის რეგიონულ დირექტორად, სადაც მას ევალებოდა ჩვენი კომბინირებული საქმიანობის ხელმძღვანელობა როგორც ნიუ-იორკის მუნიციპალიტეტში, ისე ახალ ინგლისში. Willis-ში, ჯო იყო ჩრდილო-აღმოსავლეთის რეგიონის ოპერაციების ეროვნული პარტნიორი, მანამდე კი — განვითარების მთავარი ოფიცერი Willis North America-ში და რეგიონული აღმასრულებელი ოფიცერი Willis North America-ის სამხრეთ-ცენტრალურ რეგიონში.

2004 წელს Willis-ში მოსვლამდე, ჯო ხელმძღვანელობდა დალასში მოქმედი ჩრდილოეთ ტეხასის ოპერაციების Marsh-ის კლიენტთა განვითარების გუნდს. ის აგრეთვე გახლდათ მომსახურებების უფროსი მენეჯერი, პასუხისმგებელი იყო რამდენიმე მსხვილ მომხმარებელთან ურთიერთობაზე და ზოგადად, მომხმარებელთა საჭიროებების ჯეროვნად დაკმაყოფილებაზე. Marsh-ში, თავისი კარიერის დასაწყისში, თანამშრომელთა ბენეფიტების პრაქტიკის ხელმძღვანელი იყო, ხოლო სადაზღვევო კარიერა Cigna Corp.-ში დაიწყო, ასევე, ეკავა პოზიციები გაყიდვებში, იპოთეკური კრედიტების ინიცირების ბიზნესში.

ჯოს მიღებული აქვს ფლორიდას სახელმწიფო უნივერსიტეტის ბაკალავრის ხარისხი პოლიტიკურ მეცნიერებებში. პროფესიული საქმიანობის გარდა, ჯო არის ნიუ-იორკის Big Brothers Big Sisters-ის სამეურვეო საბჭოს წევრი.

Paul Morris

პოლ მორისი

პოლ მორისი ხელმძღვანელობს Willis Towers Watson-ის დასავლეთ ევროპის განყოფილებას.

აქამდე, პოლი იყო Towers Watson-ის მმართველი დირექტორი ევროპაში, ახლო აღმოსავლეთსა და აფრიკაში, მანამდე კი საერთაშორისო საკონსულტაციო სერვისების დირექტორი. პოლი Wyatt Company-ს 1988 წელს შეუერთდა.1995 წელს Watson Wyatt Worldwide-ის გლობალური ალიანსის დაარსების შემდეგ, 1995-1999 წლებში ეკავა Watson Wyatt Partners-ის უფროსი კონსულტანტის თანამდებობა, 1999 წელს კი პარტნიორი გახდა.

პოლი არის აქტუართა საზოგადოების კოლეგიური წევრი და აქტუართა ინსტიტუტის წევრი, ფლობს ჰარვარდის კოლეჯის ბაკალავრის ხარისხს გამოყენებით მათემატიკაში და ჰარვარდის ხელოვნებისა და მეცნიერების სამაგისტრო სკოლის მაგისტრის ხარისხს მათემატიკურ მეცნიერებებში.

Anne Donovan Bodnar

ენ დონოვან ბოდნარი

ენ ბოდნარი არის Willis Towers Watson-ის ადამიანური რესურსების უფროსი ოფიცერი.

მანამდე, 2010 წლიდან, ენი იყო Willis Towers Watson-ის უფროსი ადმინისტრაციული ოფიცერი. ამ ხნის განმავლობაში, ის მმართველი კომიტეტის წევრი, კომპანიის მუდმივი გაუმჯობესების ინიციატივების თანახელმძღვანელი, ინკლუზიისა და მრავალფეროვნების პროგრამის თანასპონსორი გახლდათ, ასევე, ზედამხედველობდა მარკეტინგის, ადამიანური რესურსების, საოფისე მომსახურებისა და შიდა ცვლილებებისა და კომუნიკაციების მიმართულებებს.  

2001-2010 წლებში, ენი იყო Towers Perrin-ის ადამიანური რესურსების მმართველი დირექტორი. კარიერის უფრო ადრეულ ეტაპზე, Towers Perrin-ში ეკავა სხვადასხვა პოზიცია ადამიანური რესურსებისა და კონსულტაციების სფეროში, ასევე, მუშაობდა რამდენიმე საოპერაციო და სტრატეგიული დაგეგმვის თანამდებობაზე კომპანიაში, რომელიც დღეს ცნობილია JPMorgan Chase-ის სახელით.

ენი შეირჩა On the Board პროგრამის 2014 წლის სტიპენდიატად, ის ჯორჯ ვაშინგტონის უნივერსიტეტისა და ქალთა საერთაშორისო ფორუმის ერთობლივი სპონსორობით ხორციელდება და ლიდერ ქალებს კორპორაციულ საბჭოებში სამსახურისთვის ამზადებს. 1999 წელს, ენი ახალგაზრდა ქალთა ქრისტიანული ასოციაციის (YWCA) წარმატებულ ქალთა აკადემიაში აირჩიეს. გარდა ამისა, მან გამოაქვეყნა თავი: „ადამიანური რესურსები, როგორც სტრატეგიული პარტნიორი“ წიგნში „ადამიანური რესურსების ხელმძღვანელობის სტრატეგიები: 15 გზა თქვენს კომპანიაში ადამიანური რესურსების ღირებულების გასაზრდელად“. ენი, აგრეთვე, არის ნიუ-იორკის ქალთა ფორუმის საბჭოს წევრი, ნიუ-იორკში მოქმედი კერძო საოჯახო საქველმოქმედო (ხელოვნებისა და განათლების სფეროები) ოფისის მმართველობის დამოუკიდებელი წევრი, ასევე, სმიტის კოლეჯის კურსდამთავრებული.

ენი ფლობს სმიტის კოლეჯის ბაკალავრის ხარისხს და ჰარვარდის ბიზნესის სკოლის ბიზნესის ადმინისტრირების მაგისტრის ხარისხს.

Matt Furman

მეტ ფურმანი

მეტ ფურმანი არის Willis Towers Watson-ის გენერალური იურიდიული მრჩეველი.

აქამდე, მეტი მუშაობდა ჯგუფის გენერალურ იურიდიულ მრჩევლად Willis-ში, სადაც Willis-ის საოპერაციო კომიტეტის წევრი იყო. 2007-2015 წლებში, მეტი იყო უფროსი ვიცე-პრეზიდენტი, ჯგუფის გენერალური იურიდიული მრჩეველი Corporate and Governance-ში და Travelers-ის კორპორაციული მდივანი.

2000-2007 წლებში, მეტი მუშაობდა Goldman, Sachs & Co.-ის ადვოკატად ნიუ-იორკში, სადაც ის გახლდათ ვიცე-პრეზიდენტი და ასოცირებული გენერალური მრჩეველი საფინანსო და კორპორაციულ იურიდიულ ჯგუფში. მანამდე, ეწეოდა კერძო პრაქტიკას Simpson Thacher & Bartlett-ში, ნიუ-იორკში.

მეტი ფლობს ბრაუნის უნივერსიტეტის ბაკალავრის ხარისხსა და ჰარვარდის სამართლის სკოლის სამართლის ხარისხს. ის, აგრეთვე, არის იურიდიული დახმარების საზოგადოების დირექტორი და აშშ-ის ფასიანი ქაღალდებისა და ბირჟების კომისიის ინვესტორთა საკონსულტაციო კომიტეტის წევრი. 2013 წელს, ის იყო ორგანიზაციის „პარტნიორობა ნიუ-იორკისთვის“ დევიდ როკფელერის სტიპენდიატი.

Anne Pullum

ენ პულუმი

ენ პულუმი არის Willis Towers Watson-ის უფროსი ადმინისტრაციული ოფიცერი და სტრატეგიის ხელმძღვანელი.

აქამდე, ენი იყო Willis Group-ის სტრატეგიის ხელმძღვანელი, ასრულებდა მთავარ როლს ჯგუფის სტრატეგიის განსაზღვრაში და მუშაობდა ყველა ბიზნესსეგმენტსა და ფუნქციურ სფეროში. ენი Willis-ს 2014 წლის მაისში შეუერთდა McKinsey & Company-დან, სადაც ეწეოდა საქმიანობას ფინანსური კუთხით და ბუნებრივი რესურსების კომპანიებს ემსახურებოდა. მანამდე, ენიმ ჩაატარა ეკონომიკური კვლევა Greenspan Associates-ში, ვაშინგტონში, კოლუმბიის ოლქში, ასევე, იყო Goldman Sachs Equities Division-ის ანალიტიკოსი ლონდონში. ის ფლობს INSEAD-ის ბიზნესის ადმინისტრირების მაგისტრის ხარისხს და ჯორჯტაუნის უნივერსიტეტის დიპლომატიური სამსახურის სკოლის ბაკალავრის ხარისხს ეკონომიკაში.

David Shalders

დევიდ შალდერსი

დევიდ შალდერსი Willis Towers Watson-ში ხელმძღვანელობს ოპერაციებისა და ტექნოლოგიების განყოფილებას.

აქამდე, დევიდი იყო ჯგუფის ოპერაციებისა და ტექნოლოგიების დირექტორი Willis-ში. ის კომპანიაში 2013 წელს მოვიდა და მისი სამუშაო კომიტეტის წევრი გახლდათ.

Willis-ში მოსვლამდე, დევიდმა 19 წელი გაატარა შოტლანდიის სამეფო ბანკის ჯგუფის ოპერაციებისა და ინფორმაციული ტექნოლოგიების ხელმძღვანელ თანამდებობებზე, ბოლოს კი იყო Global Banking and Markets-ის აღმასრულებელი დირექტორი. აგრეთვე, ხელმძღვანელობდა ფილიალის მარეგულირებელ საქმიანობას ბაზელ 3-თან მიმართებაში,  მანამდე - ჯგუფის ინტეგრაციას ABN AMRO-სთან და ეკავა ლონდონისა და აზიის განყოფილებების ხელმძღვანელის პოზიციები, ასევე, მიჰყავდა მეორე დონის ოპერაციები NatWest-თვის. შოტლანდიის სამეფო ბანკში მუშაობის დაწყებამდე, დევიდი მუშაობდა SG Warburg-ში (UBS), J.P. Morgan-სა და Accenture-ში.

დევიდი ფლობს კემბრიჯის უნივერსიტეტის მაგისტრის ხარისხს გეოგრაფიაში და ლონდონის ეკონომიკის სკოლის მაგისტრის ხარისხს კომპიუტერულ მეცნიერებებში.